منتديات بحر النجوم

السلام عليكم ورحمة الله وبركاتة
اهلا بك بمنتدى بحر النجوم ,,~
نفيدك انك غيرمسجل .. تفضل بالتسجيل
ونورت المنتدى ^_^

للأبداع نظره واحساس .... ونحن نظرة عيونك !!


    طول عمرى فاكره عمو هههههههه اتاريه طلع خالو (خديعه بطوط وعم دهب )

    شاطر
    avatar
    الحزن

    المشاركات : 425
    نقاط : 1374
    السٌّمعَة : 0
    تاريخ التسجيل : 17/10/2010

    طول عمرى فاكره عمو هههههههه اتاريه طلع خالو (خديعه بطوط وعم دهب )

    مُساهمة  الحزن في الجمعة أكتوبر 22, 2010 9:09 pm

    --------------------------------------------------------------------------------


    (خديعه , اتاريه , بطوط , خالو , عمرى , فاكره , هههههههه


    طول عمرى فاكره عمو هههههههه اتاريه طلع خالو (خديعه بطوط وعم دهب )




    طول عمرنا متعودين نقول عم دهب و عم بطوط اوكى لانهم ناس غريبة عننا و المفروض نحترمهم و اى حد مش نعرفة نقول له عمو

    و تلاقى كل الناس فى القصة بتقول لدهب يا عم دهب و بتقول لبطوط يا عم بطوط مع انهم قرايب و عارفين بعض

    و انا لقيت شجرة العيلة بتاعتهم كلهم

    اول حاجة : دهب هو خال بطوط و ليس عمه

    لان والد بطوط اتجوز من أخت دهب و بالتالى بطوط المفروض يقول لدهب يا خالو دهب مش عم دهب

    الصوره مصغره اضغط عليها لتراها بالحجم الطبيعى



    تانى حاجة : بطوط هو خال سوسو و لولو و توتو و مش عمهم

    لان والد الأطفال دول أتجوز اخت بطوط و بالتالى المفروض الاطفال دول يقولوا لبطوط يا خالو بطوط


    الصوره مصغره اضغط عليها لتراها بالحجم الطبيعى





    تالت حاجة : الجدة بطة مش جدة بطبط هى اخت جده يعنى جدته من بعيد وواضح فى الصورة ان بطبط كان كسلان برضه عشان كده بطبط طلع زيه كسلان


    و احلى حاجة فى شجرة العيلة دى انى شفت تقريبا كل الناس اللى فيها

    هتلاقوا فى الشمال تحت صور الاجداد بتوع عم دهب و دول كلهم انا شفتهم فى سلسلة شباب دهب و هى كانت مقسمة على اجزاء و كانوا حاطيين كل جزء فى قصة ميكى و انا فاكر الاجداد دول حتى انهم كانوا غاويين يلعبوا جولف فوق السحاب و كان فى واحد منهم عمال ياكل و الباقى بيتكلم فى مشكلة القصر اللى هيتاخد ههههههههههه لما دهب كان الناس عاوزة تاخد منه الارض فى اسكلتندا و ساعتها كان عم دهب راجع يزور باباه و مامته و اكتشف ان فى خطة لسرقة القصر بتاع اجداده





    و كمان اخت دهب فى حلقة من الحلقات حاولت اجداد عصابة القناع انهم يسرقوا الفلوس بتاع دهب و اخت دهب ادتهم علقة سخنة لدرجة انها كسرت براميل الفلوس و كان ساعتها والد بطوط عمال يتفرج وخلاص , اصل دهب كان حاطط الفلوس فى براميل ساعتها و كانوا حوالى 10 براميل او حاجة كده هههههههههههههههه
    طبعا شكل اجداد عصابة القناع كان مختلف خالص عن بتوع دلوقتى

    و احلى حاجة ان خزنة دهب كانت زمان حصن كده للاشبال و كان فيها 3 بس هما اللى بيحرسوها هههههههههههه






    و افتكر كمان ان اخت دهب من عصبيتها انها حاربت قبيلة فى الغابة لما دهب راح ياخد الرجل الذهبى و الياقوتة و ساعتها ساحر القبيلة انتقم من عم دهب و خلى واحد يمشى مع دهب فى كل حته يروح فيها




    و طبعا كانت عمالة تناكف فى والد بطوط زى ما احنا شايفين فى شجرة العيلة ههههههههه

    و ده مشهد فى اخر الحلقات لما دهب كبر بقى فى السن و عصابة القناع قررت تسرق الخزنة من جديد




    رابع حاجة : محظوظ يبقى ابن عمه بطوط مش ابن عمه

    ودى كمان شجره عيله تانيه ممكن تكون اوضح
    وهتلاحظو فيها ان جوز اخت بطوط اللى هو ابو الاولاد مخبى وشه ورا طائر لان شكله كده هربان من تار عليه
    هههههههههههه وعشان كده محدش بيشوفو
    الصوره مصغره اضغط عليها لتراها بالحجم الطبيعى


    عرفتو اننا عشنا مخدوعين طول السنين اللى فاتت
    وكل ده بسبب المحشش اللى بيترجم كلمه uncel لعمو من غير ميشوف الاحداث اصلا لانها تمشى عمو وخالو هههههههه

    ويجعله عامرهههههههههه

      الوقت/التاريخ الآن هو الجمعة ديسمبر 15, 2017 9:21 am